Maria Clotilde Cundari Nun me piace

Maria Clotilde Cundari

Nun me piace

Nun me piace 'sto munno 'e cattiveria

'sta voglia 'e cumanna'

'sta smania e' ricchezza

Nun me piace

ca tutto chello ca succere

nun tène cchiù valore

nun tène sentimento ...

tutto se fa pensanno sulo a se stessi

alla ricerca 'e comme fottere ll' ato

'e comme s'adda' acchiappa' 'o mmeglio

'A ggente s'accire

comme se nniente fosse:

'e pate co' 'e figli,

'e figli co' 'e parienti

se stuprano 'e ffemmene, 'e creature,

l'uommene s'mpiccano

se vottano abbascio,

s'abbandonano 'e viecchi,

'e malati, 'e creaturelle,

'e mmaestre vattoneo 'e bambini

'e cuntadini ci avvelenano,

le industrie ce fanno magna'

chello ca vonno lloro

pure 'e pazzielle t'accirono,

nun se fermano manco

annanz' 'e ccreature...

M' addo' stanno

chille sentimenti accussì belli?

,,, 'o rispetto, 'a carità,

l'orgoglio, 'a dignità ,...

addo' stanno 'e sogni

addo' sta l'ammore ...?

Nun me piace!