Carmen Auletta
14 aprile · Modificato · ·
'NU CAFE' CU EDUARDO
‘Ncopp’a ‘stu barcunciello mo affacciata,
vulesse cu Eduardo chiacchierià.
Me scurdasse, tra ‘na parola e n’ata,
‘e tutte ll’ati ccose c’aggio ‘a fà!
Si chiudo ll’uocchie veco già ‘sta scena:
“I’ songo ‘nu ‘mpicciuso Carmenè
e ssempe ll’aggio ‘a priparà per bene,
o si no, nun m’ ‘o gusto ‘stu ccafè!”
“Ma ‘o piacere cchiù gruosso sai qual' è?”
Mme dice Eduardo cu cchillu surriso:
“A mme surzià ‘stu ccafè ‘nzieme cu tte!”
E i’, scurnosa, lle faccio ‘o pizzo a rrisa!
Carmen Auletta
Nessun commento:
Posta un commento