BUONGIORNO AL MONDO
Buongiorno a chi se scèta cu l’ànema pulita…
A chi se rende conto ca tene na cusciènza.
A tutta chella ggente ca se nvèntano ‘a jurnata…
A chi dedica ‘a vita all’arte, ‘a pace e ‘a scienza.
Buongiorno a chi nun pensa ‘e ‘j’ sempe nculo a n’ato…
A chille ca sentono ca ‘o core sbatte mpiètto.
A chillo che se sceta cuntento pecchè è nato…
A tutt’ ‘a ggente vecchia che nun campa pe dispiètto.
Buongiorno ê criature ca nun pensano ô dimane…
A tutte ‘e giuvinotte c’’o core nnammuràto.
A chi te guarda nfaccia e po te stregne ‘e mmane…
A chi nun te fa na cera sulo si l’he guardato.
Buongiorno a tutt’’e mamme c’allàtteno ‘e criatùre…
A tutte chille pate che jèsceno p’’a campata.
A chi fa nu mestiere e cumbatte cu ‘a paura…
A chi arape na puteca e spera ‘e fa ‘a jùrnata.
Buongiorno hê figlie ‘e mamma ca nun truvano fatica…
Che s’hanno fa curaggio senza se rassignà…
Chisto ‘e nu brutto male, tene radice antica…
E’ un’ingiustizia atavica nun se po’ suppurtà.
Buongiorno ‘e politicante, assessori e senatori…
‘A chi tene mmana ‘a sciorta ‘e tanta e tanta ggente…
A tutte stì signuri ce facimme tanta onori…
Si pensano pe ll’àte col cuore e con la mente…
Buongiorno al mendicante, pure al vagabondo…
Al senza tetto, al nomade, al nero e al musulmano…
A tutte le persone… cittadini del mondo…
A tutti quanti, insomma, che vivono e che amano.
c.barretta
Carmine Barretta
.gif)
Nessun commento:
Posta un commento