Pulecenella MASENZIO CARAVITA

Pulecenella





‘Sta maschera  ‘e tantu tiempo fa

‘o munno sano ‘o fa ancora parlà,

dicevano ca era povero , ‘gnurante..

ma era furbacchione, sapeva campà.



Pulecenella pe’ tirà annanze

‘a miseria s’ ‘a metteva a cuffià,

e pe’ ragnere chella bella panza

steva sempe a ridere e a pazzià.



Isso ‘e patrune ‘e ffaceva fesse

cu nu pirulè se sapeva arravuglià,

matina e sera steva miez’ ‘a ggente

e nun le piaceva proprio ‘e faticà.



‘A tarantella? nun s’abballa

si Pulucenella nun ce ce stà!

‘Sta maschera ‘e ate tiempe …

chi maje s’‘a pò scurdà?



Sì, Pulecenella nascette Acerra,

Napule, nun abbasta maje a ringrazià,

e rimarrà ll’orgoglio ‘e chesta terra

fino a che ‘o Pataterno ce fà campà|



Ciro Borrelli in arte

MASENZIO CARAVITA