Vincenzo De Bernardo LUNA, STO CCA’

LUNA, STO CCA’

Luna, sto ccà, dincello, ‘o sto aspettanno

e primma ca passasse chist’ato anno,

fallo turnà, pure pe’ dduje minute,

‘o tiempo, almeno, ‘e ce fa nu saluto!

Isso ‘o dicette a mme: io torno, aspetta…,

m’aggio fumato ‘e pacchi ‘e sigarette,

ccà fore, aggio fatto ‘o cuollo stuorto,

ca ‘e vvote penso: forse, sarrà muorto!

Ma, po’, chistu pensiero ‘o caccio via,

è sempe l’ommo ‘e chesta vita mia,

troppi ricordi, tengo dint’’a mente,

che dici ca ce azzecca ‘o sentimento?

E si ce azzecca a mme, pecchè, no, a isso?

Pecchè nun se fa serntì, po’, cchiù spisso?

Luna, dincello ca io stongo ccà…

nun me facesse stancà ‘e l’aspettà!

30.12.2016

Vincenzo De Bernardo