Arapimme ll'uocchie
Veco fette 'e cielo
pezzulle 'e nuvole
e lampe 'e luce
ca cagnano , comme se moveno 'e ffronne.
Sto stise 'nterra a guarda' 'o cielo
mmiez' 'e fronne dell'alberi,
chill'alberi ca stanno a paria' c' 'o sole,
ca vivono cu' l'aucielle,
c' 'a notte corteggiano 'a luna
e me vene 'e pensa'
ca nuje tenimme sta sciorta
'e campa' 'ncoppa 'a sta terra
e nun ci'accurgimmo
'e chello ca ce sta attuorno.
Amme jttatto 'o mmeglio
dint' 'a fetenzia
ammo scippato 'a natura,
ma chella ca resta
è ancora accussì bello ...
arapimmo ll'uocchie
e 'nsieme all'uocchie, 'o core
e respirammo ammore!
Maria Clotilde Cundari
Nessun commento:
Posta un commento