NA STESA 'E VOCE
di Aldo Grazzi.
" E' balzamo chest'uva muscarella"
e so' pittate d'oro st'acenielle
Cu 'e sporte stese 'ncopp''a carrettella
dà 'a voce 'e chistu frutto Nanninella.
Che stese, che vutate, che finezza!
Io quann''a sento moro p''a priezza
e tutta quanta 'a pelle me s'arrizza.
'Sta voce bella è comm'a na carezza.
E puntualmente aspetto ogne matina
ca passa Nanninella 'a parulana
e pe' me cunzulà a lle sta' vicino
na sporta me n'accatto sana sana.
'Ncantato 'a guardo e mentre s'alluntana
già penzo d''a vedé quann'è dimane.
Lle voglio dì ch'è bella e 'a voglio bene
ma 'stu curaggio ancora nun me vene.
.jpg)
.gif)
