Bruno Zapparrata ..E M'ACCAREZZA NFRONTE

..E M'ACCAREZZA NFRONTE - di Bruno Zapparrata Ed.2000 1991. (Dorme Miseno)

E M'ACCAREZZA NFRONTE


di Bruno Zapparrata SIAE 88488

Pare ca na Sirena sta cantanno,

sotto a nu manto blu,luceno 'e stelle,

stu specchio 'e mare s'è pittato argiento,

na varca, na scugliera e sulo viento.

Suono 'e chitarra, s'arreposa l'onna,

'o viento mo s'appicceca cu 'e ffronne,

quanta lampare, fanno luce a mmare

tornano ll'ombre addò l'acqua è cchiù chiara...

..........

Sonna Miseno, sonna....

sott'a muntagna 'e Proceda into vierno,

quanno sulo, sfrunnato è ll'oleandro

e ll'onna calma già accarezza arena...

Notte int''a notte e ghiurno senza juorno,

tiempo scagnato e cennere sperduta,

sentì na voce a chi non tene voce,

vedè na luce addò non ce sta luce...

E ll'onna torna, musica ch' accorda

scetanno ncapa a mme mille ricorde,

d''o mare, d''e ssirene e d''e tramonte...

Cade na stella e m'accarezza nfronte......

Bruno Zapparrata

Diritti riservati a norma di legge. Siae 88488