Pagine

mercoledì 4 giugno 2014

Carmine Barretta Dedicata a te… Massimo Troisi 20 anni dalla sua scomparsa! 4 giugno 1994 - 2014

Dedicata a te… Massimo Troisi

PENZANNO A TE 

Scrivere pe’ te nunn’è na cosa facile…

Tu m’hê fatto ridere… 

mentre m’asceva na lacrema.

Quanta tristezza tenive int’all’uocchie…

quanta gioia tenive int’ô core…

chillo core ca t’ha fatto scrivere:

“o saje comme fa ‘o core”.

Core core mio amico mio…

Tu che staje ‘a chella via

m’hê rimasto ‘a pucundria…

m’hê rimasto sulo a me… sulo a me.

Scrivere pe’ te nunn’è na cosa facile…


tu che sì arrivato ô core ‘e stà città.

Guagliune … gente vecchia…

fèmmena ‘e tutt’età…

te stèveno a guardà…

sentennote ‘e parlà

ch’’e mane… ch’’e mane.

Cu ‘e smorfie che facive…

‘e verità che Tu dicive…

Tu niente annascunnìve…

mo’ te sì annascosto Tu.

Prufumo d’’o viento

me porta ‘o passato…

j’ mo’ canto stì prete addo Tu sì nato…

ma nun trovo ‘e parole

c’arrivano a te pecchè nun 

ce crero e nun saccio ‘o pecchè.

Core core mio amico mio…

Tu ca staje ‘a chella via

m’hê rimasto ‘a pucundrìa…

m’hê rimasto sulo a me…

m’hê rimasto sulo a me…


Carmine Barretta




Nessun commento:

Posta un commento