QUANNO CHIAGNE NU SCIORE
Aggiu visto ddoje rose int''o ciardino,
una schiuppata e n'ata già appassita;
'a primma rosa se teneva 'nzino,
chell'ata secca secca e ssenza vita.
Comme se chiagne a 'na perzona cara,
io l'aggiu visto 'e chiagnere 'stu sciore;
nun è acquariccia* 'sta guccella amara...
E' cchiant''e rosa...E' llacrema d'ammore!
* acquariccia - brina o rugiada
ANTONIO RUGGIERO
Nessun commento:
Posta un commento